Ginrekomendar sang Department of Justice (DOJ) ang pagpasaka sang kaso nga murder batok sa anum ka mga suspetsado nga imbulbado sa pagpatay kay Negros Oriental Governor Roel Degamo.
Sa press conference, ginpahayag ni Justice spokesperson Assistant Secretary Mico Clavano nga ginrekomendar sang DOJ prosecutors ang pagpasaka sang nine counts sang murder batok sa anum ka mga indibidwal kasunod sang pagpatay kanday Negros Oriental Governor Roel Degamo, Jessie Boy-ay, Jose Marie Ramirez, Jomar Canseco, Crispin Vallega, Jerome Maquiling, Florence Quinikito, Joseph Renada, kag Michael Fabugais.
Suno kay Clavano, ang frustrated murder nga ginpasaka batok kay Diomedes Omatang ang ginrefer para sa dugang nga imbestigasyon matapos nga may kulang sa nagakaigo nga dokyumento agud nga pamatud-an ang mga samad nga naagom sini.
Suno sa spokesperson, ginmanduan ang National Bureau of Investigation-National Capital Region nga padayunon ang imbestigasyon sa gina-aligar nga recruiter kag handler kasubong man principal sa pag-engganyo nga ginhinambit sang iban nga mga respondents.
Suno kay Clavano,ang kaso ang pagapamatbatan kaupod ang mga nauna nga kaso sang murder nga ginpasaka sa Office of the Provincial Prosecutor of Negros Oriental batok sa apat ka mga nauna nga respondents nga nadakpan kag ginpaidalom sa inquests proceeding sangdamlag lang.
Subong nga bulan, ginpasaka sang DOJ prosecutors ang kaso nga murder batok sa apat sa napulo ka mga suspek sa pagpatay sa mga biktima kag 12 ka John Does.
Samtang, gindayaw man ni Clavano ang pagtrabaho sang Joint Task Force Degamo.
Samtang, anum pa ka mga gina-aligar nga imbulbado sa assassination ni Negros Oriental Gov. Roel Degamo ang nagsungka sa mga kapulisan suno sa Department of Justice (DOJ).
