May panugyan ang Bacolod City Disaster Risk Reduction and Management Office kadungan sang warm dry season.
Sa interview sang Bombo Radyo kay Dr. Maria Laarni Pornan, likawan ang direct exposure sa adlaw halin alas-10:00 sa aga tubtub alas-4:00 sa hapon, ilabi na sa mga elderly ukon tigulang kag tuman kabata.
Ginarekomendar man ang pagsuksok sang dark colors nga bayo kag jacket bangud nagaabsorb ini sang init kundi pilion ang light colors nga bayo.
Ang jacket ukon hoodie suno kay Pornan ang dapat nga isuksok lang kun ara na sa matugnaw nga lugar kaangay sang airconditioned.
Suno diri, nagauso ang heat stroke sa karon nga mainit ang panahon.
Kun udto suno kay Pornan, nagadangat sa 36 degrees Celsius samtang mataas naman diri ang heat index, ilabi na kun sementado ang ginatiniran.
Naghatag naman sang instruction si Mayor Alfredo Benitez nga imonitor ang kaso sang heat stroke kag heat exhaustion.
