Ginpahayag sang abugado sa syudad sang Bacolod nga iresponsable ang pagpagwa sang statement ni Justice Secretary Jesus Crispin “Boying” Remulla nga isa si Negros Oriental Congressman Arnolfo Teves sa ginakabig nga mastermind sa Degamo slay case.
Sa interview sang Bombo Radyo Bacolod kay Atty. Jomax Ortiz, iresponsable ang pahayag ni Justice Secretary Remulla bangud wala pa sang napagwa nga resolution sa ginpasaka nga kaso batok sa kongresista.
Suno kay Ortiz, bangud wala pa sang gindagdag nga warrant of arrest batok kay Teves, may kinamatarong ang natungdan nga ipresume nga inosente sa mga kaso nga ginpasaka batok diri.
Suno sa abugado ang pagpahayag ni Remulla nga isa si Teves sa mga mastermind ang daw kaangay nga ginakabig na ini nga guilty na.
Ginpahayag man sini nga kun ano ang ginapahayag sang tiglikom, patihan na lamang sang iya mga constituents bangud ang nagpahayag ang nagapamuno na sa ahensya.
Suno pa diri, sa tion nga indi makapauli si Teves ang manghod sini nga anay gobernador ang mapriso sa tion nga may yara na sang ipagwa nga resolusyon sa kaso nga ginpasaka sa iya.
Nagapati man ini nga may yara sang basehan si Teves kun ngaa nahadlok ini nga magpauli bangud may yara ini sang kahadlok para sa iya seguridad.
