Masobra tres milyones pesos nga balor sang suspected shabu, nakumpiskar sa drug buybust operation sa Barangay Tangub kaina

P3, 440, 800 nga balor sang illegal nga droga ang nakumpiskar sa 26 anyos nga lalaki sa nga subject sang drug buybust operation nga ginpatigayon sa Lino Moles Street, Purok Kapawa, Barangay Tangub, Bacolod City.

Ginakabig nga high value individual ang suspetsado nga si Sean Navarro, 26 anyos, residente sang Purok Kasilingan, Barangay Mansilingan, sa nasambit nga siyudad.

Sa ginpatigayon nga buy bust operation sang City Drug Enforcement Unit Bacolod City Police Office, nakuha kay Navarro ang kapin 506 grams sang suspected shabu nga may standard drug price nga P3,440,800.

Sa karun yara na sa kustodiya sang Police Station 8 ang suspetsado kag natalana nga pasakaan sang kaso.