90 porsyento nga ginalantaw sang mga kapulisan nga lalaki ang tag-iya sang duha ka tiil nga ginbilin sa kilid sang isa ka commercial establishment sa CL Montelibano Avenue, Barangay Villamonte, Bacolod City sang Miyerkules sang kaagahon.
Sa interview sang Bombo Radyo kay Police Captain Greeky Cayao, station commander sang Bacolod Police Station 4, ginpaidalum pa sa iban nga eksaminasyon ang duha ka tiil kag yara sa karun sa punerarya.
Suno kay Cayao, ginabanta nga alas 8:00 tubtob alas 10:00 sang gab-i gin-utod ang tiil kag gindala sa area pasado alas 12:00 sang kaagahon kag nadiskubrehan sa establishmento ala 1:00 sang kaagahon.
Suno diri, may resulta na ang Scene of the Crime Operation sa mga exam nga ila ginpatigayon nga natalana pa ini nga igaanunsyar.
Inaway sa negosyo ang isa sa mga motibo nga ginalantaw sang mga otoridad suno kay Cayao ka posible man suno diri nga ini ang bangud hisaay, pagpamahog ukon nasaskuhan lamang.
Suno sa station commander, maayo man ang ila kooperasyon sa mga persona nga yara sa listahan.
Nagapanawagan ini sa mga persona nga may mga himata nga namissing nga magkadto sa police station kag iverify kun posible ini ang ila nadula nga himata.
