Ginahulat pa ang resulta sang eksaminasyon nga ginpatigayon sang Scene of the Crime Operation (SOCO) sa duha ka tiil nga ginbilin sa kilid sang isa ka commercial establishment sa CL Montelibano Avenue, Barangay Villamonte, Bacolod City sang Miyerkules sang kaagahon.
Sa interview sang Bombo Radyo kay Police Captain Greeky Cayao, station commander sang Bacolod Police Station 4, kun wala sang may maglantaw nga himata sa tiil, ila ini temporaryo nga igapalubong.
Wala man ini sang ideya kun may kaangtanan ini sa nasapwan nga utod nga kamot duha ka bulan na ang nakaligad kag ang SOCO amu ang may jurisdiction nga makakumparar sini.
Ginalantaw naman nag posible harassment ukon pagpamahog ang rason sang pag-apid sang isa ka papel nga may nakasulat nga mga pangalan sa nasapwan nag tiil.
Posible man nga kaangtanan sa negosyo ang ginalantaw nga motibo sa krimen.// Sa karun ila pa ginabacktrack ang mga CCTV kag iban pa nga mga tikang agud mapadasig ang pagsolbar sang kaso.
