Preparado na ang Bacolod City Police Office (BCPO) sa Semana Santa.
Sa interview sang Bombo Radyo kay Police Lt. Col. Noel Polines, chief of operations sa Bacolod City Police Office, preparado na ang mga ini para sa Semana Santa kag nakacoordinate naman sa mga station commander sa San Sebastian Cathedral kun ano ang kinahanglanon.
Suno sa iya, masobra 40 ka mga personnel ang igadeploy para sa prosesyon kag wala pa diri nadala ang force multiplier.
Kapin 200 naman ka mga police personnel ang ginpangdeploy sa mga identified places nga posible kadtuan sang mga pumuluyo sa Holy Week.
Nakacoordinate naman ang kapulisan sa San Sebastian Cathedral kun ano ang kinahanglanon.
Ang prosesyon ang magasugod sa Cathedral, Lacson Street, Hernaez Street, Araneta Street kag magabalik sa San Sebastian.
Samtang regular naman ang mangin panimbahon bwas nga adlaw.
Sa Lunes kag Miyerkules, Abril 3 kag 5, may misa nga patigayunon alas 7:00 sang aga; alas 12:15 sang udto; alas 5:15 sang hapon kag pagka-alas 6:00 sang gab-i, may yara sang Lenten Reflection.
Sa Martes, kaangay lamang sang misa sa Lunes kag Miyerkules apang may confession pagka-alas 4:00 sang hapon.
Sa Huwebes, may yara sang Chrism Mass alas 8:00 sang aga, Mass of the Lord’s Supper alas 4:00 sang hapon kag Vigil at the Altar of Repose alas 6:00 sang gab-i.
Sa Biyernes, may Station of the Cross alas 4:30 sang kaagahon; Siete Palabras alas 12:00 sang udto; Passion of the Lord alas 3:00 sang hapon; may prosesyon alas 5:00 sang hapon kag Adoration of the Cross alas 5:30 sang hapon.
Sa Sabado, may General Cleaning alas 7:30 sang aga; Soledad alas 7:00 sang gab-i; kag Easter Vigil pagka-alas 8:00 sang gab-i.
Pagka-Domingo, Adlaw sang Pagkabanhaw, may Encuentro alas 4:00 sang kaagahon kag regular na lamang ang schedule sang misa.
