Ginpahayag naman sang abugado ni suspended Negros Oriental 3rd District Representative Arnolfo Teves Jr. nga naghimo ini sang pila ka paghingyo agud nga masiguro ang hilway nga pagbalik sini sa pungsod matapos nga maangot ini sa kaso sang pagpatay kay Governor Roel Degamo.
Sa isa ka Media Forum, ginpahayag ni Atty. Fernando Topacio, legal counsel ni Teves, ang nasambit nga request ang indi special treatment ukon isa ka bargaining expedition kag ini ang para lamang sa kahilwayan sang mamalidha.
Nagpasalamat naman si Topacio kay House Speaker Martin Romualdez bangud sa pagpahanugot nila sa pila ka mga ginpangayo ni Teves.
Gin-athag man sini nga wala man sila ginabola ni Romualdez.
Ginpahayag naman sang abogado nga may mga request nga puwede matuman kag may-ara man nga indi mahimo.
Sa pihak sini, ginsiguro sang legal counsel ni Teves nga magapauli na sa pungsod ang ila nga kliyente agud nga atubangon ang mga isyu nga ginahaboy sa iya apang sa karun hindi pa maathag kun san-o.
