Presidente sang Bacolod City Public School Teachers Federation, nagapati nga makabulig sa turismo kag ekonomiya kun mabalik sa Marso tubtob Mayo ang summer break sang mga eskwelahan

Dako ang pagpati ni Richard Gelangre, Presidente sang Bacolod City Public School Teachers Federation nga magasanyog pa ang turismo kag ekonomiya kun matuon liwat ang summer vacation sa bulan sang Marso tubtob Mayo.

Sa interview sang Bombo Radyo kay Gelangre, sa summer kun wala sang klase kag makabasyon ang mga estudyante kag manunudlo, dako ini nga bulig para sa mga resorts, samtang ang kwarta naman nga nagalabay sa resorts ang nagabalik sa ekonomiya kag indi mangin kaangay sang nakaligad kun sa diin ang bakasyon ang natuon sa Agosto kag Septyembre nga tiyempo sang tig-ululan.

Nagahingyo ini nga kun tani ihanay sa Abril tubtob Mayo ang bakasyon agud nga maka-relax ang mga estudyante kag manunudlo.