Magapatigayon sang meeting ang alkalde sang Murcia kaupod ang tanan nga restobar owners sa banwa sang Murcia matapos natabo ang pagbun-anay sa Handy’s Restobar, Hacienda Bernabe, Brgy. Salvacion, Murcia, kun sa diin tatlo ang patay lakip ang isa ka pulis kag tatlo ka iban pa ang pilason.
Sa interview sang Bombo Radyo kay Murcia Municipality Mayor Gerry Rojas, magadagdag ini sang Executive Order sa tanan nga tag-iya sang restobar nga dapat may yara gid sang CCTV kag security guards ang tanan nga establishmento agud ma tsekyar ang pagsulod sang mga tawo kun ini bala may dala nga armas ukon wala.
Suno diri, pagabutagan sini sang temporaryo nga limit ang oras nga maka-operate ang isa ka establishimento.
Ginpasalig man sini sa mga pumuluyo sang Murcia nga lantawon sini ang tanan nga anggulo agud matapna ang krimen sa banwa.
