Liwat nga nagpahanumdom si Bacolod City Mayor Alfredo Benitez sa mga empleyado sang syudad sa ginpatigayon nga flag ceremony kahapon sang aga sa Bacolod City Government Center nga panumdom kag ikabuhi ang kaundan sang Panumnumpa ng Kawani ng Gobyerno sa pagtrabaho sang mga ini sa syudad.
Suno kay Mayor Benitez, ginapamatian sini kada flag ceremony ang pag-recite sang mga empleyado sang panunumpa ng Kawani ng Gobyerno kag nakita sini nga kun kaisa nagakalipat ang mga empleyado kun ano ang ila nga mga ginahambal.
Suno kay Benitez, dapat masami ini nga panumdumon sang empleyado sa kada mag-ubra ang mga ini sa city hall ukon sa New Government Center bangud ini ang makapakod sa pagsalig sang mga pumuluyo sa ila.
Suno sa alkalde indi siya kuntani luyag nga magpagwa sang litrato sang mga nagalantaw sang TV sa tion sang office hours apang kun indi ini pagpagwa sa publiko, panumdumon lamang sang mga empleyado nga OK lang ang ginhimo nila.
Suno diri, ang iya lamang ginapangayo nga ibalik sang mga empleyado ang pagsalig sang mga pumuluyo bangud kun wala ini mabudlay sa mga ini nga magpadalagan sa syudad.
