Ginpahayag sang spokesperson sang Department of Education Division of Negros Occidental nga kun masolbar lang man sang eskwelahan ang gin-aligar nga pagli-ab sang isa ka manunudlo sa isa ka estudyante sang Pontevedra National High School bangud wala nakapagunting dapat solbaron nalang ini apang kun indi magainterbenar na ang Division Office.
Suno kay Ian Arnold Arnaiz, antes magpatunga ang Division Office kinahanglan anay nga padulungan ang eskwelahan agud magpatigayon sang imbestigasyon agud nga makakuha sang kun anu ang matuod nga natabo bangud indi man dapat magsalig kag magbase sa kun-ano ang nakita sa social media.
Suno diri, isolated case ang natabo sa Pontevedra National High School.
Suno kay Arnaiz, ang disciplining body sang mga manunudlo amo ang regional director sang Department of Education-Western Visayas apang kun magpasaka sang kaso kaangay sang administrative kinahanglan ini nga may yara sang pormal nga reklamo.
Suno diri indi man sila makahinmo sang tikang nga wala nag-agi sa nagakaigo nga due process.
Ginpasiguro man ni Arnaiz nga guided man ang mga manunudlo sang mga polisa ukon guidelines kag dala na diri ang indi man dapat sila magpangakig gilayon sa mga estudyante.
