Ginhingagaw subong nga adlaw ang releasing sang sweldo sang mga job order casuals sa Bacolod City Government Center kadungan sang ulihi nga adlaw sang trabaho kadungan sang Semana Santa.
Nahibaluan nga half day lang ang trabaho sa government offices subong nga Miyerkules Santo agud may ligwa ang mga ini nga makapauli sa ila pamilya.
Kaina sang aga, ginrelease ang sweldo sang mga empleyado sa iban nga opisina samtang subong naman nga hapon ginhatag ang sweldo sang mga street cleaners.
Suno kay Arnold Ardosa nga yara sa Persons with Disability Affairs Office, wala na nagakaatrasar ang releasing sang ila nga sweldo nga ginarelease sa ikaduha nga semana sang masunod nga bulan.
Suno diri, magapahimuyong lang ini sa ila nga panimalay bangud indi naman kinahanglan nga manglugayawan agud nga magpamalandong, kag tion naman ini agud nga makapahuway.
Si Arnold Ardosa ang avid nga listener sang Bombo Radyo kag galloner naman sa Dugong Bombo.
Suno diri, dapat nga pasalamatan ang mga blessings adlaw-adlaw gani dapat ini nga halungan.
