Ginaagda sang obispo sang Diocese of San Carlos kaupod ang Santo Papa nga pamalandungan ang kasakit, kamatayon kag pagkabanhaw sang Ginoong Hesu Kristo.
Sa mensahe ni Bishop Gerardo Alminaza, subong nga pinakabalaan nga inadlaw sang Semana Santa atun pamalandungan ang nagkawas nga tinaga sa baba sang Ginoong Hesus nga “Diyos Ko, Diyos Ko nga ginpatumbayaan mo ako.
Ang pag-antos sang Diyos ang wala lang natapos sa kasakit sa pisikal nga ginalakipan sang pagbunal, pagkorona sang tunukon, pagbangkaw kag paglansang sa iya sa cross kundi ini ang nalakipan man sang kasakit psychological nga nagdulot gid sa iya kasing-kasing.
Bangud sa kasakit nga iya nabatyagan, ginbatyag man sini ang pagpatumbaya sa iya sang Diyos nga amay nga iya nga ginsaligan nga makabulig sa iya.
Suno kay Bishop Alminaza, dapat gid naton pilion sa masami nga palanggaon ang Ginoong Hesus nga ginlansang sa kruz agud nga kita ang tubuson sa atun mga kasal-anan.
Suno diri kaangay sa pagpalangga sa ginpatumbayaan nga Ginoong Hesus dapat man naton palanggaon ang mga kauturan naton nga mga nalisdan kag ginpatumbayaan.
Ilakip man man naton ang mga nagakadulaan sang paglaom kaangay lamang mga nagabalatian sa pagpangamuyo agud nga magtubo ang paglaom sa ila mga tagipusuon.
Nagpanawagan man ini nga magbinuligay agud mangin mabinungan ang pagobserbar sang Semana Santa.
