Wala sang narecord nga aberya sa dalan sa ciudad sang Bacolod kadungan sang obserbasyon sang Semana Santa.
Suno kay Police Major Junji Liba, pinuno sang Bacolod Traffic Authority Office, duha ka adlaw ang prusisyon nga ginpatigayon sang Huwebes kag Biyernes apang 90 porsyento nga epektibo ang traffic plan bangud may mga prusisyon nga wala nacoordinate sa BTAO.
Suno kay Liba, nakadepende sa kadakuon sang prusisyon ang numero sang traffic enforcers nga nagbantay kun sa diin 20 ka enforcers ang nagbantay sa iya sang San Sebastian Cathedral samtang tag-apat tubtub lima naman sa magagmay nga prusisyon.
Wala naman sang dalagko nga insidente nga naangot sa obserbasyon sang Semana Santa.
Suno kay Liba, diutay gid man ang mga salakyan nga nagbyahe sang Holy Week.
Nangin matawhay naman ang sitwasyon sa Barangay Punta Taytay sang Easter Sunday.
Naghingyo naman si Liba sang kooperasyon sang publiko kag sang mga motorista bangud nakit-an nga epektibo ang ginapatuman sa karon.
