Magapatuman sang isa ka semana nga gun ban sa probinsya sang Negros Occidental para sa selebrasyon sang Panaad sa Negros Festival 2023.
Sa interview sang Bombo Radyo kay Police Captain Judesses Catalogo, spokesperson sang Negros Occidental Police Provincial Office, humalin sa Abril 17 alas-12:01 sang kaagahon tubtob Abril 23 alas-11:59 sang gab-i, suspendido ang Permit to Carry Firearms Outside Residence sa kabug-usan nga probinsya sang Negros Occidental.
Suno diri, ini igapatuman sa selebrasyon sang Panaad sa Negros Festival 2023 kasunod sang suhestyon sang committee sang Panaad sa Negros agud mahilway ang pagdala sang mga firearms kag kontrabando.
Ini man ang preparasyon nga mangin matawhay ang selebrasyon kag may yara sang safety ang tagsa ilabi na nga ginalauman ang pagdagsa sang pumluyo kag pagbisita sang mga turista gikan sa gwa sang probinsya ukon pungsod.
Ang pagpatigayon sang gun ban ang para man sa safety sang mga elected officials.
Mensahe ni Catalogo, dapat may pagbuligay ang tagsa nga ma-contain ang safety sa probinsya kag magsunod sa gina-impementar sang kapulisan agud mangin matawhay kag masadya ang Panaad sa Negros Festival 2023.
Samtang, ginalantaw man sini ang posibilidad nga magpatigayon man sang gun ban sa kabug-osan nga nasyon para sa Barangay kag Sangguniang Kabataan elections.
