Nagpahanumdon ang city administrator sa mga contractor sang mga ginaconstruct nga dalan kag drainage sa siyudad sang Bacolod sang ila deadlines nga tubtob sa karun wala sang katapusan ang ila trabaho.
Sa interview sang Bombo Radyo kay City Administrator Atty. Pacifico Maghari III, nagpadala na ini sang sulat sa tanan nga contractor sa pagpahanumdom sang ila deadlines nga ipahibalo ang ila scheduled bulletin kag magpasa sang 48 hours notice agud makapreparar ang pumuluyo sa byahe sa dalanon.
Gin-ugyunan man sang district engineer ang regular nga pagbantay sa dalanon sang Bacolod agud hilway sa aksidente sa dalan.
Suno kay Maghari, magatukod sila sang grupo nga magtigayon sang day to day monitoring kag magkoordinar sa mga contractor.
Dugang pa niya, ang siyudad mismo ang aktibo nga mabantay sa lakat sang construction, nga kun nakalapaw na sa date of completion kag iya ka siyudad, may yara sang penalidad.
