Ginaduso sang grupo sang mga manunudlo nga amat-amat nga ibalik sa bulan sang Abril kag Mayo ang school break agud indi tuman ka init sa sulod sang classroom.
Sa interview sang Bombo Radyo kay Richard Gelangre, presidete sang Bacolod City Public School Teachers Federation, madamo sang reklamo ang nagikan sa mga manunudlo angot sa mainit nga tiyempo nga naga-apekto sa klase kag focus sang estudyante.
Santo sa resulta sang ila survey madamo sang nagkomporme nga isaylo ang schedule sang summer vacation sang mga manunudlo kag estudyante sa bulan sang Abril kag Mayo.
Suno diri, ang pagsaylo sang schedule sang bakasyon sa Abril kag Mayo ang nagakaangay gid lamang sa mainit nga tiyempo sang pungsod kag mahatagan sang pahuway ang mga manunudlo kag estudyante agud nga mangin maayo ang ila kondisyon kag preparado sa pagbalik sang klase sa Hunyo.
Dako man ang pagpati ni Gelangre nga mangin maayo ang lakat sang negosyo bangod ang summer vacation nakalinya sa pila ka economic holidays.
Ang bag-o nga schedule sang klase ang ginalauman nga maimplementar sa 2026 school year matapos ang lima ka tuig kun mapatuman ang 185 days of class.
