Nagpatigayon sang protest rally ang mga progresibo nga grupo kaupod si labor leader Ka Leody De Guzman sa atubang sang Central Negros Electric Cooperative Inc. agud magpamatok sa Joint Venture Agreement sa tunga sang CENECO, Ignite More Power Corporation kag Meralco.
Sa interview sang Bombo Radyo kay De Guzman, nag-upod ini sa protest rally bangud luyag sini nga makigbahin sa mga konsumedor sang electric cooperative sa pagpamatok sa JVA.
Suno sa iya, ang ginaduso nga joint venture agreement ang indi para sa mga konsumedor kundi para sa negosyo.
Suno diri, makaluluoy ang mga konsumedor kun igatransform ang serbisyo sa negosyo.
Suno kay De Guzman, nagapamatok ini sa privatization bangud malain ang iya eksperyensya diri kun sa diin sadto sa Manila, humalin sa P4 per kilowatt hour, nangin P12 ini bangud sa privatization.
Ginahangkat sini ang mga pumuluyo nga ini ang pamatukan bangud magapasaka lamang ini sa presyo kag magapabudlay sa mga pumuluyo.
Abiso sini sa mga konsumedor nga tun-an sang maayo ang epekto sang privatization bangud ang mangin makaluluoy amu ang masunod nga henerasyon.
