Nakaplastar na sang mga kiosko kag kaniya-kaniya nga mga baligya sa Panaad Park and Stadium ang pila ka mga vendors gikan sa kinalain-lain nga banwa kag siyudad sa Negros Occidental para sa Panaad sa Negros Festival.
Sa interview sang Bombo Radyo sa manugbaligya nga si Rose, Sabado pa lang sang aga, nakaplastar na sila sang ila mga baligya.
Suno diri, sila ang nagikan sa Don Salvador Benedicto dala-dala ang ila mga produkto.
Madamo naman sang nagbakal sa ila humalin sang sila ang nagplastar sang ila baligya.
Sila may mga baligya nga sandiya nga 45 per kilo kag pinya nga mabakal sa 3 for 100 sa pinakamabarato, kag may yara man sang paho, kararuton kag mga ilimnon kaangay sang shake kag lemonade.
Pormal nga magabukas subong nga adlaw ang Panaad sa Negros Festival matapos ang duha ka tuig nga wala ini natigayon.
