Ginpahayag sang pinuno sang Bacolod Traffic Authority Office nga lunsay may sala ang magtimbang nga bahin nga imbulbado sa aksidente nga nagluntad sa Cirumferential Road, Barangay Villamonte, Bacolod City kahapon sang aga kun sa diin nagresulta sa kamatayon sang tatlo ka tuig nga bata kag pagkasamad sang mga ginikanan sini.
Madumduman nga kahapon, napatay ang tatlo ka tuig nga bata kag pilason ang iya mga ginikanan matapos nasalakay sang container truck nga nag-beating the red light ang isa ka motorsiklo sa Cirumferential Road, Barangay Villamonte.
Sa interview sang Bombo Radyo Bacolod kay Police Major Junji Liba, kun nangin defensive driver lang kuntani ang nagamaneho sang container truck wala sini nalasakan ang motorsiklo.
Suno kay Liba, dapat ang driver sang nasambit nga truck ang wala nagsalig sa side mirror bangud sa likod kag sa kilid lamang ang makita sini kag dapat vigilante man ini bangud ang truck ang may yara sang blind side.
Suno diri, dapat wala na kuntani ginbeat ang lima ka segundos antes magflash ang red light sa stop light, kuntani nalikawan pa ang insidente.// Aminado man ini nga madamo sang mga pasaway nga mga motorista nga nagabeat sang red light.
Suno kay Liba, indi rason nga pangayaw ka sa isa ka lugar sa pagluntad sang insidente sa dalanon bangud ang road safety ang pareho lang bisan diin ka magpadulong nga bahin sang pungsod.
Suno pa kay Liba, dapat sa tanan nga oras mangin disiplinado sa pagsunod sang road safety guidelines agud nga malikawan ang aksidente nga mahimo tunaan pa sang pagkadula sang kabuhi sang iban sa atun.
Nagpanugyan man ini sa mga nagagamit sang motorsiklo nga kun mahimo pa lang indi pag-iangkas ang mga kabataan sa motorsiklo sabaylo magpangita sang tricycle ukon iban nga mahimo masakyan agud malikawan ang mga kaangay nga insidente.
