Nagpromisa ang acting officer sang Bacolod City Police Office nga magasuporta ini sa Isugid Kay Mayor nga programa ni Mayor Albee Benitez kadungan sang iya pagbisita sa opisina sang Bacolod City Public Information Office.
Suno kay Col. Noel Aliño, wala sang excused sa Isugid Kay Mayor nga programa kag pwede mareklamo ang mga trabahante sang gobyerno kasubong man ang kapulisan.
Sa bahin sang mga personnel sang BCPO, suno kay Aliño, siya ang in-charge sa mga personnel kag sa iya man igapasa ang mga reklamo batok sa ila.
Suno diri, dapat may yara sila sang quick response tuhoy diri.
Nagapati man ini nga ang kakulang sang police presence halin sang una ang bangud sa kakulang sang disiplina sang mga pulis.
Isa naman sa ginalantaw sini nga dapat masolusyunan amu ang motorsiklo nga tuman kagahod sang tambutso kun maglabay sa dalanon.
