Ginkumpirmar sang principal sang Bacolod City National High School nga natinluan na ang gintambank nga construction waste materials sa school oval sang buluthuan.
Sa interview sang Bombo Radyo kay Richard Gelangre, ginakalipay sini nga nagdasig ang pagrehabilitate sang school oval kag ginalauman nga ini ang maplain kag mapison sa madasig nga tinion.
Suno sa iya, kun may yara na sang budget, sila ang magatukod naman sang drainage system.
Suno kay Gelangre, ang oval ang indi lamang para sa mga estudyante sang BCNHS kundi magaserbi man ini sa madamo pa nga mga eskwelahan sa Division sang Bacolod kun sa diin diri pagahiwaton ang mga sports kaangay sang softball, football kag archery.
Suno diri, kun mapison na ang oval, ila pagalantawon ang pagtubo sang hilamon kag amat-amat nga magasupply sang carabao grass.
Magameeting ini sa planning team agud mapadasig ang pagtubo sang hilamon kag mabalik ang green nga atmosphere kag aura sang oval.
Nagapasalamat si Gelangre sa mga engineers kag tanan nga nagbulig sa rehabilitation sini.
Suno sa iya, sa palaabuton nga Hulyo 1, magaselebrar ang BCNHS sang ika-75 sini nga annibersaryo kag may yara sila sang patigayunon nga mga aktibidad.
