May pila ka mga buluthuan sa Department of Education – Division of Cadiz nga magapatigayon sang blended learning matapos ginsunggo ang pila ka mga estudyante.
Sa interview sang Bombo Radyo kay Arlene Bermejo, Division Superintendent sang Cadiz City, may pila ka mga estudyante nga nareport nga ginsunggo kag naglingin ang ulo bangud sa tuman nga kainiton.
Suno kay Bermejo, bangud diri, may mga buluthuan nga magapatigayon sang klase sa aga kag blended learning sa hapon.
May mga buluthuan naman nga malapit sa bukid nga magapatigayon sang face to face classes bangud mabugnaw kag indi tuman kainit sa ila.// Sa karun wala pa sang exact nga numero sang mga ginsunggo.
Bilang kabahin sang ila tikang, ginapainom sang mga ini sang tubig ang mga estudyante kada 30 minutos, ginapadala sang sibin nga basa kag ginabuksan ang bintana agud makasulod ang hangin.
Samtang, nagpatigayon naman sang psychological debriefing ang Department of Social and Welfare Development kag Cadiz City Disaster Risk Reduction Management sa Cadiz East Elementary School angot sa pagkapatay sang grade 2 student matapos ini nga nadunlan sang Abril 14.
Suno kay Bermejo, may lima ka mga classmates sang biktima nga apektado sa natabo kag daw nakulbaan na magkaon.
May yara man sang estudyante nga ginakudkod kag ginasipad-sipad gid ang biscuits antes ini magkaon bangud nakulbaan ini nga matabo sa iya ang natabo sa biktima.
Suno diri, ini ang pagatutukan sang doktor sa DSWD samtang may representative naman nagikan sa opisina ni Vice President Sara Duterte, nga amu man ang secretary sang Dep-Ed, nga naghatag sang assistance.
