Kapin 2,500 ka mga beneficiaries sa siyudad sang Bacolod ang nakabaton na sang Bacolod City Comprehensive Health Program (BacCHP) Card.
Suno kay Dr. Edwin Miraflor, BacCHP Medical Doctor, epektibo sa Mayo 1, 2023 sarang na nga magamit sang mga residente sang Bacolod City ang BacCHP Card.
Ang BacCHP Card ang makabulig sa mga pumuluyo agud sila makakuha sang assistance ukon makalibre sa balayran sa ospital.
May ginpanagtag nga actual card kag temporary card, apang ginsiguro ni Miraflor nga apisar temporary card ang gina-uyatan sang isa ka indibiwal maka-avail ini sa gihapon sang assistance.
Luyag man sini magbutang sang liaison officer nga magatsekyar nga ang dala nga BacCHP Card sang isa ka indibidwal ang indi peke agud nga indi ma-abusaran ang pag-usar sini.
