Siyam ka tuig nga bata nga lalaki, wala gid natabangan matapos nalumos sa suba sa ciudad sang Cadiz

Patay ang siyam ka tuig nga bata matapos nalumos sa Troso River, Barangay Daga, siyudad sang Cadiz, kahapon.

Sa interview sang Bombo Radyo kay Police Captain Gina Fernandez, Deputy Chief of Police sang Cadiz City Police Station, gindeklarar nga dead on arrival ang siyam ka tuig nga bata nga residente sang nasambit nga lugar matapos ini nalumos sa ginpaliguan nga suba.

Suno diri, madalom ang suba kag indi makahibalo maglangoy ang bata gani ini ang nalumos.

Kaupod man sini ang iya pamilya apang ulihi na ini nakit-an sang iya amay gani wala na nahingagaw nga masalbar ang bata.

Pahayag ni Police Captain Fernandez, indi man mabaskog ang ilig sang tubig sa suba.