Nagpatigayon sang soliditary meeting ang pamunuan sang Department of Education Regional Office 6 kaupod ang technical officers agud nga i-emphasize nga unahon gid ang safety sang mga atleta nga magahampang sa Western Visayas Regional Athletic Association (WVRAA) Meet 2023 nga patigayunon sa probinsya sang Aklan.
Sa interview sang Bombo Radyo Bacolod kay Hernani Escullar, spokesperson sang Department of Education Regional Office 6, sa pagpanguna ni DepEd Regional Office 6 Director Ramir B. Uytico, ginmanduan sini ang mga technical officers nga dapat siguruhon ang safety sang mga estudyante ilabi na nga tuman ka init ang panahon nga mabatyagan sa karun.
Suno kay Escullar, subong nga adlaw, patigayunon ang opening sang Western Visayas Regional Athletic Association (WVRAA) Meet 2023 sa probinsya sang Aklan.
Suno diri, pagabantayan man sang DepEd regional office 6 ang openning sang nasambit nga sports event.
Gin-tap man sang DepEd-Western Visayas ang Dr. Rafael Tumbukon Memorial Hospital nga pagadal-an sang mga atleta sa tion nga may matabo nga wala ginapangayo nga insidente.
Ginpasiguro man sang DepEd regional office 6 nga may yara sang medic nga nastandby sa tion nga magahampang na ang mga atleta.
Suno kay Escullar, subong man nga adlaw mahibaluan kun magatambong si DepEd Secretary kag Vice President Sara Duterte sa openning sang Western Visayas Regional Athletic Association (WVRAA) Meet 2023.
