Gin-aprubahan sang Sangguniang Panlalawigan ang ikaduha na nga supplemental budget para sa Maintenance and Operating Expenses ukon MOOE sang Negros Occidental kasubong man sa Special Purpose Appropriation ukon SPA.
Suno kay Negros Occidental Provincial Administrator Atty. Rayfrando Diaz, naghalin ang pondo sa savings sang probinsya.
Suno kay Diaz, may yara sang kakulangan sa Maintenance and Operating Expenses ukon MOOE bangud may pagnubo man sa National Tax Allotment.
Gin-aprubahan sang Sangguniang Panlalawigan ang P348,392,739.41 para sa MOOE kalakip na ang para sa Special Purpose Appropriations.
Ang pondo nga gingamit ang nagikan sa savings sang probinsya kun sa diin masobra P301 million ang nagikan sa government equity, masobra sa P90 million ang nagikan sa 20 percent development fund kag P500,000 ang nagikan sa African Swine Fever Task Force.
Suno kay Diaz, nabalikan na sang probinsya ang mga kulang sa MOOE apisar nga nagnubo ang NTA.
Ang nasambit nga budget para sa MOOE ang pagagamiton sang mga departamento sa provincial capitol sa gasolina kag iban pa nga kinahanglanon nga supplies.
