Nagpaathag ang National Grid Corporation (NGCP) sa nagluntad nga wala untat nga power interruptions kahapon.
Sa interview sang Bombo Radyo Bacolod kay Michelle Visera, ang spokesperson sang NGCP Western Visayas, ginpahayag sini nga wala sila nagasupply sang kuryente apang sila ang ginaagyan sang supply kag sila man ang nagapasiguro nga balanse ang supply kag ang demand bilang system operator.
Suno kay Visera, wala ang NGCP nagaproduce sang kuryente kundi nagadeliver lang ang available nga supply halin sa generating plants padulong sa electric cooperatives.
Suno diri bangud ang NGCP ang nakakita sang system, sila man ang nagapagwa sang red, yellow alerts kag system disturbance santo sa makita sini.
Kahapon pasado ala 1:00 ang takna sang hapon, may yara sang nakita ang NGCP sang system disturbance nga apektado ang linya sang kuryente nga ginapanag-iyahan sang CENECO ang Bacolod-Silay; Bacolod-Alijis transmission line samtang ang Kabankalan-Sipalay naman ang ginapanag-iyahan sang NONECO.
Ginpahayag man sini nga ang mga power interruptions ang tuga man sang mga power plants nga nadula sa system sang NGCP nga wala makabalik dayon.
Suno kay Visera, ang red alert ang ginapagwa kun dako ang kulang sa power supply apang ang yellow alert may yara sang supply kag nakadepende sa demand ang mga notices nga ginapagwa.
Gin-athag man sini nga ang manual load dropping ang ginahimo sang National Grid Corporation (NGCP) agud nga mapaigo ang supply sang kuryente sa demand sini gani nagahatag sila sang notice sa electric cooperatives agud nga mapahibalo nga may yara sang magaluntad nga mga power interuptions sa mga franchise areas.
Suno kay Visera apektado sang manual load dropping ang Negros Occidental, Oriental kag Panay.
Ang MLD ang ginarelease sang NGCP tubtob nga mastabilize na ang system sini.
Nagapangabay man si Visera sang paghangop sang mga kunsimidor sa nagluntad nga mga power interuptions sa pihak sang mainit nga panahon.
