Gin-athag sang National Grid Corporation of the Philippines (NGCP) nga ang natabo nga power interruption kahapon alas-2:56 sang hapon ang bangod sa problema sa generating facility.
Sa interview sang Bombo Radyo Bacolod kay Michelle Visera, spokesperson sang NGCP Western Visayas, ang natabo nga system disturbance sang Abril 27 ang bangod sa fluctuation nga natabo sa mga dalagko nga power plant sa Panay, nagnubo ang voltahe, gani limitado ang nahatag nga kuryente sa Negros.
Apang, bangod sa solar plant kag generating plant, nahatagan biskan papano sang kuryente ang isla sang Negros.
Samtang, Ang na-ekperyensyahan nga liwat nga power disturbance sang alas- 2:56 sang hapon, kahapon ang bangod sa problema sa generating facility.
Liwat nga nagbalck-out sa bahin sang Panay gani nagka- low voltage diri sa Negros.
Pahayag ni Visera, wala pa nila na implementar ang ila gin-anunsyar nga manual load dropping kahapon alas- 6:00 gab-i sa franchise area sang CENECO, NOCECO, NONECO, NORECO I kag NORECO II, apang kun manubo gid ang kuryente, igatuman ini.
Samtang, tubtob sa karun may nagaka-eksperyensyahan nga power interruption sa bahin sang Panay.
Sa karun, padayon pa nga gina-imbestigahan kun ano ang gintunaan sang power disturbance, nga santo sa ila nga inisyal nga imbestigasyon ini ang bangod sa distribution line kun ngaa may yara sang system disturbance.
Gin-abisohan sini ang mga konsumedor nga I-unplug ang mga appliances agud maproteksyunan sa dugay-dugay nga pagkadula kag pagbalik sang kuryente.
