Nagapangabay ang tagpamaba sang National Grid Corporation of the Philippines (NGCP) sang malawig nga pasensya sa mga konsumedor sa mga nagaluntad nga power interruption.
Sa interview sang Bombo Radyo kay Michelle Visera, ila ginatinguhaan nga makahatag sang kuryente sa madasig nga tinion kada may magluntad nga mga power interruptions.
Suno kay Visera, kaina sang kaagahon, nabatyagan sa gihapon ang epekto sang voltage fluctuation kun sa diin apektado ang mga electric cooperatives sa Panay
Suno sa iya, may yara sa gihapon sang kuryente apang may mga trippers sa nagkalain-lain nga distribution utilities nga nagbukas.
Sa karun suno diri, normal na ang sitwasyon sa Panay kag Negros Occidental.
Gin-athag naman sini nga wala sila nagapasibangod nga generating facility ang gintunaan sang disturbance kag nagapadayon pa ang ila imbestigasyon.
Suno sa iya, tinutuyo sang NGCP nga mahatagan gilayon sang kuryente ang mga konsumedor kag sila ang nagatsekyar kag nagabalanse sang demand kag supply sini.
Suno sa tagpamaba, makabig nga special case ang mga power interruption nga nagaluntad bangud indi ini adlaw-adlaw nga nagakatabo.
Nagapangabay ini sa mga konsumedor sang malawig nga pasensya bangud ila ginatinguhaan nga makahatag sang kuryente sa madasig ng tinion.
Pahayag sini nga ang NGCP ang may kampanya agud mangin conscious ang mga konsumedor kag makasave sang kuryente bangud dako na ang epekto sang gamay nga mga tikang sa pagsave sang enerhiya.
