Acting city director sang Bacolod City Police Office pagapangunahan ang pagpatrolya sa siyudad kadungan sang selebrasyon sang Labor Day

Pagapangunahan sang acting city director sang Bacolod City Police Office ang pagpatrolya sa siyudad kadungan sang selebrasyon sang Labor Day subong nga adlaw nga suno diri wala sini ginpa-off duty ang tanan nga personnel sang kapulisan.

Sa interview sang Bombo Radyo kay Police Col. Noel Aliño, preparado na ang deployment plan sang mga kapulisan nga magatrabaho sa karun nga adlaw sang Labor Day.

Suno diri, ang mga area nga wala sang nakastandby nga pulis ang iya pagabutangan.

Maga-upod man ini mismo sa paglibot sa siyudad sa karun nga adlaw sa selebrasyon sang Labor Day.

Luyag man sini nga gamiton ang kabug-usan nga pwersa sang kapulisan nga suno diri mas maayo kun mapadako ang ila deployment sang mga personnel.