Sunog sa bangko sa ciudad sang Bacolod kahapon, nagbilin sang P2.4 million nga balor sang halit

Nagdangat sa P2.4 million ang balor sang kahalitan nga gintuga sang sunog nga nagluntad sa 2^nd floor sang Metro Bank-Bacolod Araneta Branch sa Araneta Street, Barangay 13, Bacolod City kahapon sang kaagahon.

Sa interview sang Bombo Radyo Bacolod kay Senior Fire Officer 4 Paul Antonio Garin, sang Bacolod City Fire Station, nagpadulong sa ila estasyon ang security guard agud ireport ang nasiplatan nga aso sa ikaduha nga panalgan sang ginatrabahuan sini nga bangko.

Sa pagpadulong sang mga bombero, naabtan nila ang madamol nga aso sa 2^nd floor nga isa ka opisina kag sila ang nagpatigayon sang fire fighting operation.

Sila ang naka-abot sa lugar alas-12:54 sang kaagahon samtang ini ang nafire out ala-1:38 sang kaagahon.

Paathag ni Garin nga sa pag-estimate sang balor sang kahalitan, sila ang nagabase sa floor area samtang santo sa ila nga operational manual nagadangat sa balor nga P2.4 million ang kahalitan sa bangko.

Dugang pa sini nga sa ikaduha nga panalgan lamang natabo ang sunog kag wala na naka-apekto sa ground floor kag ini ang tubtob lamang sa 1^st alarm.

Sa karun padayun pa nga gina-imbestigaran ang gintunaan sang sunog.