Governor Bong Lacson, nagapati nga indi pagpasaka sa sweldo ang solusyon sa inflation

Ginpahayag sang gobernador sang Negros Occidental nga indi solusyon ang pagpasaka sang sweldo sa problema sa inflation.

Suno kay Governor Eugenio Jose “Bong” Lacson, tuman ka taas sang ginapangayo nga increase sa sweldo sang mga mamumugon nga P750 sa kada adlaw.

Pahayag ni Lacson, sa karun nga tion mas importante nga may trabaho ang isa ka indibidwal.

Para kay Lacson ang problema sa inflation indi masolusyonan sang pagpasaka sang sweldo.

Ginpahayag man sini nga madamo sang pamaagi nga ma-address ang inflation kag indi lamang ang increase sa salary.