91 ka mga flood prone area sa siyudad sang Bacolod ang na-identify kag yara sa master list sang Bacolod City Engineer’s Office.
Suno kay Bacolod City Administrator Atty. Pacifico Maghari III, 67 ang narekord nga flood prone area sang nakaligad, apang sa karun nagdangat na ini sa 91 kun sa diin napulo diri ka area ang ginbaha.
Suno diri, kun may yara sang madamol nga pag-ulan, 19 ka area ang labi na nga apektado.
Naghatag naman sang mando ang alkalde sang siyudad nga si Mayor Alfredo Benitez nga sila ang magkoordinar sa DPWH agud mahibaluan kag may yara sang isa lamang ka basehan nga blueprint sang drainage sa area.
Sa hingyo ni Bacolod City Mayor Alfredo Benitez, iga-review sa liwat ang flood control programs bangod nga daan na kag sadtong tuig 2015 ukon 2018 nga pagtuon ang ginbasehan nga drainage program.
Suno diri, pagatun-an sa liwat ang master plan sang drainage system agud makita ang mga lapses ilabi na nga national road lang ang natuonan sang DPWH sa flood control program.
Ginkwetsyon sang alkalde kun may yara bala sang blueprint ukon listahan ang DPWH sang kabilogan sang siyudad.
Gani, ginhatagan ni Benitez sang isa ka semana ang DPWH nga ipasa ang blueprint sang kabug-usan sang Bacolod.
Ini agud nga magsynchronize ang siyudad kag DPWH sa isa lang ka drainage plan.
