Nagapangabay ang tagpamaba sang Police Regional Office 6 sa mga pumuluyo nga ipalab-ot sa pamunuan sang Philippine National Police kun sila ang may nahibaluan nga may police personnel nga imbolbado sa illegal nga mga aktibidad.
Sa interview sang Bombo Radyo kay Police Major Mary Grace Socorro Borio, humalin Marso 1, 2021 tubtob Marso 1, 2023, 30 ka mga police personnel ang nakasuhan may kaangtanan sa illegal nga druga.
Suno sa iya, 22 ang nagpositibo sa drug test samtang apang naman ang ginpasakaan sang kaso apisar nga wala nagpaidalum sa drug test.
Sa 30 ka mga personnel ang naresolve na ang kaso, 23 ang nadismiss sa serbisyo, lima ang exonerated expel ukon nadischarge bangud wala napasaka ang kaso, isa ang ginhatagan sang 45 ka adlaw nga suspension samtang 59 ka adlaw naman ginsuspende ang isa pa gid ka personnel.
Sa 30 ka nasambit nga personnel, isa sa mga ginsuspende kag tatlo sa gindismiss ang nagikan sa Negros Occidental.
Suno kay Borio, humalin sang Disyembre 2022 tubtob sa karun, wala na sang pulis nga nakasuhan sa illegal nga druga bangud man sa bulig sang internal cleansing.
