Pagasuguran na sang Department of Public Works and Highways ang construction sang Mambuloc Creek kun wala na ang mga informal settlers sa lugar.
Sa interview sang Bombo Radyo kay Bacolod City District Engineer Abraham Villareal, isa sa mga rason sang clogging sang basura kun naga-ulan nga ginatunaan sang pagbaha amu ang mga informal settlers.
Suno sa iya, nakighinun-anon na ang mga ini sa City Legal Office nga amu ang magahimo sang tikang natuhoy diri.
Suno sa iya, mabudlay pasudlon ang excavator sang DPWH kun may mga tawo gani kinahanglan nga mapahalin ang mga ini sa lugar.
Suno kay Villareal, sila ang nagpromisa sa ciudad nga kun mahukas na ang mga informal settlers, sila ang magahatag na sang mando sa construction sang Mambuloc Creek.
Ginpahayag naman ni Bacolod City Legal Office Atty. Romeo Carlos Ting Jr. nga magaserbe ang ciudad sang notice to vacate sa mga informal settlers sa Mambuloc Creek.
Suno kay Ting, sila ang nagpreparar na sang demand letter agud mahatagan sang notice of vacate ang mga informal settlers.
Suno diri, sila ang pagahatagan sang 15 ka adlaw agud makahalin sa lugar.// Suno sa iya, sa masunod nga semana sila ang mapaconvene sa local housing board kag kun indi boluntaryo nga maghalin ang mga pumuluyo, wala sang choice ang ciudad kundi idemolish ang ila puluy-an.
Kapin 50 ka mga puluy-an ang yara sa Mambuloc Creek apang pagatsekyaron pa kun pila ka pamilya sa kada balay.
Suno sa Ting, santo sa pahayag sang Bacolod Housing Authority, may yara sang pagasayluhan ang mga ini sa Abada apang wala sila nagaproseso sang requirements.
Suno diri, kun luyag nila nga maka-avail sang relocation, igahatag ini sa ila kag ang concern sini amu nga kun mag-inulan ukon magbaha, madamo ang mahalitan kun indi pa sila maghalin sa Mambuloc Creek.
