Nagpresentar ang MORE Power sang kaundan sang Joint Venture Agreement Proposal sa Central Negros Electric Cooperative sa mga opisyales sang Provincial Government sang Negros Occidental.
Ginpresentar ni MORE Power President kag Chief Executive Officer Roel Castro sa atubang ni Governor Eugenio Jose “Bong” Lacson, Vice Governor Jeffrey Ferrer, pila ka mga miyembro sang Sangguniang Panlalawigan kag pila ka mga alkalde ang kaundan sang JVA.
Suno kay Castro, kun malipayon na ang mga konsumedor sa serbisyo sang CENECO kaangay sang duha tubtob tatlo ka beses nga power interruption kada adlaw kag wala gakasabat nga mga concerns, wala gid sang problema.
Apang kun indi na malipayon ang mga konsumedor sa ini nga serbisyo, isa sa mga option ang JVA agud ini ang ma-improve.
Suno kay Castro, sila ang magasumiter sa wisdom sang mga konsumedor kag apisar nga ginahatagan sini sang pagtamod ang balatyagon sang mga empleyado, mas luyag sini hatagan sang prayoridad ang sentimento sang mga consumers.
Nagapati naman si Governor Bong Lacson sa management sang MORE Power.
Suno sa gobernador, nagapasalamat ini kay Castro sa paghatag sang presentaasyon bangud ila na mas naintindihan ang internsyon sang electric cooperative.
Dako man nga advantage suno sa iya ang ila eksperyensya sa Iloilo bangud nakahibalo na ang mga ini kun paano mapanubo ang frequencey sang interruptions kag systems loss nga mangin bentaha sa mga konsumedor.
Suportado man ni Vice Governor Jeffrey Ferrer kun ano ang makapamaayo sa mga konsumedor.
Suno sa bise-gobernador, maayo gid ang presentasyon sang MORE Power kun ikumparar sa serbisyo sa karun sang CENECO.
