Nagapati si Councilor Al Victor Espino, chairman sang Committee on Transportation sa Sangguniang Panlungsod nga diretso sang mga grupo sang drivers kag operators ang magpasaka sang kaso apang kun mapamatbatan nga wala ini sang may ginhimo nga malain, siya ang magafile man sang countercase para sa iya nga damages.
Suno kay Espino, immediate ang ila nga pagbulig kag pagresponde sa concern sang transport groups kag sang Miyerkules, nagpatigayon na sang regional board meeting ang Land Transportation Franchising and Regulatory Board (LTFRB) kun sa diin ginpalab-ot sang ciudad ang concern sang mga drivers kag operators.
Suno pa diri, nagapanaog pa lamang ini sa city hall, nagasinggit na ang mga ini nga siya ang dapat magresign sa pwesto bangud wala ini sang inubrahan kag dapat magbalik na lamang sa Victorias City si Mayor Alfredo Benitez bangud wala ini inubrahan sa ciudad.
Suno sa konsehal, nakit-an sang tanan nga siya ang ginbastos sang mga ini apang kun sila ang batuan, mangakig man ang mga ini.
Suno diri, handa ini nga mag-atubang sa igapasaka sa iya apang iya man diber nga magfile sang countercharges para bilang pamaagi sa pagclaim sang iya damages.
