Dako nga palamangkutanon para sa anay SRA administrator kun diin nagikan ang figures sang tonelada nga kalamay nga ginakulang nga nagtuga sa importasyon sini.
Sa interview sang Bombo Radyo kay former SRA administrator Rafael Coscolluela, makatingalahan ang nagagwa nga mga numero sang demand sa pag-import kasubong man ang consumption kun sa diin nagsaka ang withdrawal sang pagbakal sang mga traders.
Suno diri, palamangkutanon nga nagdanagat sa 3.1 million tons ang demand nga wala man maka-agi nga naglab-ot sa 1.5 million tons.
Samtang, ang sugar production naman nga ginpagwa nga figures amo ang 2.4 million tons production, nga suno kay Coscolluela yara man lang sa 1.8 million tons ang sugar porduction sa nasyon.
Dugang pa sa palamangkotanon kay Coscolluela amo nga kun matuod man gid nga nagtupa ang 400,000 metric tons nga gin-import nga kalamay, paano sa karun nga ginkulang kag nangmando na naman sa liwat sang dugang nga 150,000 metric tons.
Pahayag ni Coscullelo, natural lamang nga mag-import sang kalamay kun may yara sang kakulangan, apang makatingalahan ang numero nga ginpagwa.
Aminado ini nga wala siya sang ideya kun sa diin naggikan ang mga numero, gani luyag sini nga tawgon ang atensyon sang Malacanang, Department of Agriculture kag Sugar Regulatory Administration nga ipa-athag ang mga figures nga naggwa, kun ano ang ila ginbasehan sa pagpagawa sang mga kwestyonable nga figures angot sa sugar importation kag sugar production.
Samtang, sa datos naman sa bahin ni Coscolleula, ang importasyon sang kalamay nagtuga sa pagtaas sang withdrawal sang mga traders kag nagnubo sa 36 percent ang ila baklanay samtang ginahulat pa ang pag-abot sang imported nga kalamay.
Kasubong man nga apisar sa pila ka tonelada nga gin-import nga kalamay, wala sa gihapon nag nubo ang presyo sini sa merkado.
Samtang, sa pihak nga bahin nangin maayo naman ang epekto sang El Nino sa mga pananom sang tubo nga nagapatam-is pa gid sini, apang sa gihapon iya ginalauman nga mangin balanse ang tiyempo bangod nga apektibo sang pagbag-o sa klima ang produksyon sang mga mangunguma.
