Nagmeeting ang Provincial Government sang Negros Occidental sa mga alkalde sa banwa kag ciudad nga naapektuhan sang hog cholera.
Suno kay Governor Eugenio Jose “Bong” Lacson, dako gid nga kapierdehan ang nagkalamatay nga mga baboy ilabi na nga ang gintunaan sini amu ang hog cholera.
Sa data sang Provincial Veterinary Office, masobra 2,000 na ka mga baboy ang nagkalamatay sa probinsya humalin sang nagligad nga bulan.
Sa inisyal nga impormasyon, sa 27 ka mga blood samples nga ginpatest, 18 ang nagwa nga negatibo sa ASF kahapon sang udto kag sang hapon, nahibaluan nga lunsay negatibo sa ASF ang 27 ka mga blood samples.
Suno kay Lacson, isa sa mga tikang agud nga mapaiway ang cholera amu ang pagpatigayon sang border control kun sa diin antes ipagwa ang isa ka baboy sa isa ka barangay, dapat sigurado nga indi ini contaminated sang balatian.
Sang Martes, nagpagwa man ang gobernador sang Executive Order No. 23-19 series of 2023 ukon ang Activation of Incident Command System, Structure, Composition and Function as Response and Management Mechanism for Animal Biosecurity Threat.
