Ang biktima nga si Dennis Tribaco, 49-anyos, ang ginpatay sa Hacienda Kapisyan, Brgy. Efigenio Lizares, Talisay City samtang nagamaneho sang iya nga tricycle.
Base sa panaysayon sang asawa sang biktima nga si Antonia Tribaco, padulong sila sang iya bana sa airport sakay sa tricycle agud magsugat sa ila bata alas 11:00 kagab-i.
Natalupangdan sang asawa nga may nagasunod na sa ila nga motorsiklo sakay ang duha ka mga suspetsado kag hinali lamang gintiro ang iya bana nga naigo sa agtang kag nadulaan sang kabuhi.
Sa interview sang Bombo Radyo kay Police Lt. Col. Cenon Vargas, hepe sang Silay City Police Station, nagapadayon pa ang ila nga imbestigasyon kag gina-establish pa ang motibo sa krimen.
Indi paman makumpirmar ni Vargas kun paryentehanay gid man ang biktima kag si Ivan Tribaco, nga amu ang ginatudlo nga suspetsado sa pagluthang-patay sa mag-iloy nga sanday Shirley Española kag mga bata sini nga sanday Jason kag John David Española sang Marso 28 sa Barangay Matab-ang.
Suno diri, sa karun ila pa ginahibalo ang dugang nga background ni Dennis kasubong man ang motibo kag suspetsado.
Suno sa hepe, ila pagalantawon ang tanan nga anggulo sa krimen kag magapangita sang witness ukon ebidensya nga makabulig agud masolbar ang kaso.
Patay ang barangay tanod sang Barangay Zone 10, Talisay City, Negros Occidental matapos gintiro kagab-i.
Ang biktima nga si Dennis Tribaco, 49-anyos, ang ginpatay sa Hacienda Kapisyan, Brgy. Efigenio Lizares, Talisay City samtang nagamaneho sang iya nga tricycle.
Base sa panaysayon sang asawa sang biktima nga si Antonia Tribaco, padulong sila sang iya bana sa airport sakay sa tricycle agud magsugat sa ila bata alas 11:00 kagab-i.
Natalupangdan sang asawa nga may nagasunod na sa ila nga motorsiklo sakay ang duha ka mga suspetsado kag hinali lamang gintiro ang iya bana nga naigo sa agtang kag nadulaan sang kabuhi.
Sa interview sang Bombo Radyo kay Police Lt. Col. Cenon Vargas, hepe sang Silay City Police Station, nagapadayon pa ang ila nga imbestigasyon kag gina-establish pa ang motibo sa krimen.
Indi paman makumpirmar ni Vargas kun paryentehanay gid man ang biktima kag si Ivan Tribaco, nga amu ang ginatudlo nga suspetsado sa pagluthang-patay sa mag-iloy nga sanday Shirley Española kag mga bata sini nga sanday Jason kag John David Española sang Marso 28 sa Barangay Matab-ang.
Suno diri, sa karun ila pa ginahibalo ang dugang nga background ni Dennis kasubong man ang motibo kag suspetsado.
Suno sa hepe, ila pagalantawon ang tanan nga anggulo sa krimen kag magapangita sang witness ukon ebidensya nga makabulig agud masolbar ang kaso.
