Nagpanugyan ang alkalde sang Bacolod City sa mga konsumidor sang Central Negros Electric Cooperative nga ipablotter ang pagkaguba sang ila nga appliances tuga sang power fluctuation agud makafile sang class suit batok sa CENECO kag National Grid Corporation of the Philippines (NGCP).
Suno kay Bacolod City Mayor Alfredo Benitez, nanguna ini sa pagproseso para magfile sang class suit batok sa CENECO kag NGCP.
Nagpanugyan ini sa tagsa nga mga konsumidor nga idocument ang ila mga kagamitan nga nagkalaguba bangod sa power fluctuation para malakip ini kag matingob sa isa ka filing sang kaso.
Pahayag ni Benitez, mangita ini sang private lawyer para sa kaso.
Dugang pa niya, mas maayo kun may yara sang electrician nga magvalidate kun naguba ang appliances bangod sang fluctuation sa kuryente agud nga mas klaro.
