Ginkumpirmar sang alkalde sang Bacolod City ang appointment sang pila sini ka mga political allies nga wala nagdaog sang May 2022 elections bilang mga consultants sang ciudad.
Suno kay Mayor Alfredo Benitez, nagpabutyag ang mga ini sang ila interest sa pagserbisyo sang ciudad gani maga-extend ang Bacolod CIty sang contract of service sa ila.
Si anay Board Member Patrick Lacson ang gin-appoint sini bilang consultant sang Bacolod Traffic Authority Office (BTAO); si Atty. Sonya Verdeflor bilang consultant sa social services; si former councilor Homer Bais ang maga-assist naman sa alkalde sa iya “Isugid Mo kay Mayor” nga programa; samtang wala pa nahibaluan ang mangin position ni former councilor Bart Orola kag Atty. Caesar Distrito.
Si Distrito, nga nagpapili bilang running mate ni Benitez sang May 2022 elections, ang suno sa alklade, makaangkon sang mas dako nga role sang sa iban.
