Ginpahayag sang secretary general sang provincial political party nga United Negros Alliance (UNEGA) nga magadepende sa isa ka miyembro kun ano nga national party ang iya pagapakigbahinan lakip na ang Kilusan ng Nagkakaisang Pilipino (KNP) nga ginapamunuan ni Bacolod City Mayor Alfredo Benitez.
Suno kay Cadiz City Mayor Salvador Escalante, nadesisyunan sang partido nga pahanugutan ang kada miyembro nga magdesisyon kun luyag nila nga makigbahin sa isa ka national party kaangay na lamang sang natabo sa May 2022 elections.
Suno sa iya, ini agud mapreserve ang UNEGA bilang isa ka provincial party apang sa karun, wala pa sila naka-istoryahanay agud ini ang diskusyunan.
Positibo naman ang rekasyon sini nga si Benitez ang nagapamuno sa KNP bangud mas makaangkon sang tingog ang Negros Occidental sa national government kun mangin madinalag-on ang partido.
