Nagpatuman sang 24/7 nga border control ang syudad sang Kabankalan agud nga malikawan nga makasulod sa syudad ang baboy nga kontaminado sang African Swine Fever kag sang hog cholera.
Sa interview sang Bombo Radyo Bacolod kay Kabankalan City Mayor Benjie Miranda, ang city vets kag mga police ang ginbutang sa 24/7 nga task force agud nga matsekyar sa mga baboy kag pork products nga nagasulod sa syudad.
Suno kay Miranda nagakahangawa man ini bangud sa Dauin, Negros Oriental may ara na kaso sang African Swine.
Ang syudad sang Kabankalan ang zero sa kaso sang hog cholera bangud napahibalo na ang mga backyard hog raisers sang ginbalita nga may mga banwa na kag syudad nga nagkalamatay ang baboy bangud sa hog cholera.
Nagbarato man ang live hogs nga ginabaligya kun sa diin P120 per kilo nalang ini apang ang karne sa merkado ang nagapabilin sa P280.00.
Natalana naman nga magdugang pa sang dugang nga border control ang syudad nga ibutang sa Barangay Inapoy kag bantayan.
