Preparado na ang Bacolod City Police Office (BCPO) sa pagbantay sang seguridad sa Bacolod Chicken Inasal Festival nga magasugod bwas nga adlaw.
Nahibaluan nga may-ara sang tatlo ka venue para sa festival nga lakipan sang North Capitol Road, Upper East Mega World kag Manokan Country samtang iga-augment naman ang mga personnel gikan sa Bacolod Police Station 1, 2 kag 4.
Wala naman sang augmentation gikan sa Police Regional Office (PRO) 6 kag Negros Occidental Police Provincial Office (NOCPPO).
Suno kay BCPO Director P/Col Noel Aliño, nagakaigo na ang personnel sang BCPO apang hinali nga may magluntad nga insidente kag magakinahanglan sang dugang nga augmentation, may ginpreparar naman ini nga reserve forces.
Paathag ni Aliño nga ang mga administrative personnel sa BCPO amo ang iga-augment nga gintawag sini bilang Bacolod City Police Standby Reactionary Support Forces.
Suno diri, kun siya ang masami nga makita sa gwa kag nagalibot, tion naman agud mainitan kag maggwa ang mga administrative personnel sang BCPO.
Paathag sang BCPO director nga importante ang teamwork samtang nakahanda naman ini nga magsunod sa iban nga mga pamaagi kun makita sini nga effective ipatuman.
