Magahatag sang livelihood cash assistance ang provincial government sang Negros Occidental sa mga hog raisers kag caretakers sang mga nagkalamatay nga baboy nga ila ginasagud bangud sang Hog cholera.
Nahibaluan nga base sa record sang Provincial Veterinary Office (PVO), may 1143 ka mga apektado nga hog raisers.
As of May 24, ang PVO naka record sang 5,509 na ka mga baboy nga nagkalamatay nga may estimated amount naman nga P66,541,575.
Sa 2nd District ang apektado amo ang banwa sang Manapla kag syudad sang Cadiz nga may 43 ka mga nagkalamatay nga baboy kag may estimated value nga P542,850, sa 3rd District ang syudad sang Silay, Talisay, banwa sang EB Magalona kag Murcia kun sa diin may yara sang 405 ka mga nagkalamatay nga baboy kun sa diin sa diin may balor nga P4,623,650.
Samtang sa 4rth District ang may pinakamadamo nga nagdangat sa 5012 mortalities sang mga baboy.
Kalabanan sang nagkalamatay ang ginafattening nga nagdangat sa 2249; boar 103; sow 1381 kag gilt 90.
Ginapanugyanan man sang provincial government sang Negros Occidental ang mga hog raisers nga sa tion nga may mapatay nga baboy ilubong ini kag indi pagpaanod sa suba.
Labi man nga naapektuhan ang mga backyard hog raisers sa probinsiya sang Negros Occidental.
Suno kay Provincial Social Welfare and Development Office (PSWDO) Head Gerla Espinosa Sario, ginapreparar nila sa karun ang proposal sa paghatag sang bulig sa mga apektado nga hog raiser kag caretakers sa probinsiya sang Negros Occidental.
Suno kay Sario, ginadiskusyunan nila ini kaupon ang Office of the Agriculture, Veterinary Office kag ni Provincial Administrator Atty. Rayfrando Diaz kag may yara man sang budget para diri.
Plano sang PSWDO nga maghatag sang P2000 tubtob P5000 sa tagsa ka hog raisers kag caretakers.
Ini ang inisyatibo sang probinsya agud mabuligan bisan paano ang mga nagasagud sang baboy ilabi na ang mga backyard hog raisers.
