Nagapanugyan ang officer-in-charge sang Office of the Civil Defense Region 6 nga preparahan kag i-anticipate ang pagsulod ni Bagyo Betty ukon Typhoon Mawar sa pungsod.
Sa interview sang Bombo Radyo kay Ma. Aletha Nogra, ginalauman nga magasulod sa Western Visayas si Typhoon Mawar sa Domingo kag magadala ini sang light tubtob moderate nga pag-ulan.
Pagka-Lunes, magadala man ini sang moderate tubtob mabaskog nga pag-ulan.
Suno kay Nogra, ang ini nga weather disturbance ang maga-intensify sang sitwasyon sang tiyempo sa karun.// Suno diri, naga-eksperyensya sa karun sang southwesterly windflow kag kun magsulod ang bagyo sa Philippine Area of Responsibility, maga-intensify pa ang sitwasyon kag magadala si Mawar sang ulan kag hangin.
Suno sa iya, nakastandby alert sila sa karun kag nagapadayon ang preparasyon kag koordinasyon sa mga miyembro sang Local Disaster Risk Reduction and Management Council.
Sila ang yara sa blue alert status kag magaconvene pa subong nga adlaw agud ma-adjust ini sa ila corresponding levels kag awareness.
Nakasugod naman ang preparasyon sang mga member agencies humalin sa national padulong sa region kag nagalaom ini nga subong nga adlaw, ila na mabaton ang 100 percent nga preparedness response sang local DRRM offices.
Suno kay Nogra, dapat nga preparahan kag i-anticipate ang pag-abot sang bagyo nga may kabaskugon nga 240 kilometer per hour kag ginalauman nga magadala sang ulan, hangin kag storm surge.
Nagpanugyan man ini nga dapat pamatian ang abiso sang mga local DRRMOs kag magkooperar diri agud mapabilin ang kaluwasan.
