Ginkumpirmar sang alkalde sang ciudad sang Bacolod nga may yara sang duha ka baboy nga nagpositibo sa African Swine Fever sa Brgy. Taculing, Bacolod City.
Sa interview sang Bombo Radyo kay Bacolod City Mayor Alfredo Benitez, magaissue ini sang bag-o nga Joint Excecutive Order kun sa diin ang una sini amo ang prevention apang sa karun magafocus na ini sa containment agud makontrolar ang paglapata sang nasambit nga balatian.
Suno diri, ang nakuha nga test sample ang igapadala pa sa Manila agud masiguro mismo sang Bureau of Animal Industry nga ASF ang sakit nga ginsuprer sang baboy apang santo sa ila nga test gamit ang equipment nga ginpadala sang Department of Agriculture Western Visayas, positibo ang mga ini sa ASF.
Sa karun iga-intensify pa sini ang testing sa mga baboy sa mga barangay para masiguro nga wala sang ASF nga maglapta sa siyudad.
Gin-athag man sini nga indi delikado sa isa ka tawo ang pagkaon sang baboy nga may ASF apang dako naman ang halit sini sa hog industry.
